KAGODHA GUMELARING TEJA

gambar zamroni allief billah
Penulis: zamroni allief ...
Tanggal Publikasi: 08 September 2010 Statistik: 0 komentar, 222 kali dibaca
0
Penilaian Anda: tidak ada

KAGODHA GUMELARING TEJA

mecaki dalan dalan kang dawa ngalela
ngulandara ana kaca kaca purba
ing dalan iki rasaku uga rasamu
kagawa lumayune rodha

ana rasa kangen kang nyirep mata
kinanthi gemulunging samudra
kang dumadakan tuwuh ana dhadha

nanging kang dak kanthi iki
dudu sliramu kang dak tresnani
yekti wadon liya kang kinuswa
ombak segara saha pangelusing samirana

wus ginurit sajroning buku kang cinidra
nututi playune samirana karana
pangangenmu kang ngulandara

mupus kekesing mega mega
kagodha gumelaring teja
teja ing akasa

Tuban, 07 September 2010
melati, dudu seliramu

  • Silakan login atau daftar dulu untuk mengirim komentar
  • 222 kali dibaca